राॅंग साईटने आलेल्या क्रेनची दुचाकीला धडक; एक ठार

अहमदनगर- समोरून राँग साईटने आलेल्या क्रेनची दुचाकीला धडक बसून झालेल्या अपघातात दुचाकीवरील तरूण राहुल एकनाथ धनवटे (रा. राजुर, ता. मोहताळा, जि. बुलढाणा, हल्ली रा. मोही ता. खेड, जि. पुणे) याचा मृत्यू झाला आहे.

केडगाव बायपासकडून कल्याण बायपासकडे जाणार्‍या रोडवर हॉटेल के 9 च्या पुढे हा अपघात झाला. मयत राहुलचे वडिल एकनाथ तुकाराम धनवटे यांनी कोतवाली पोलीस ठाण्यात दिलेल्या फिर्यादीवरून क्रेनवरील अज्ञात चालकाविरूध्द गुन्हा दाखल झाला आहे.

राहुल धनवटे हा त्याच्या दुचाकीवर बुधवारी दुपारी केडगाव बायपासवरून कल्याण बायपास रोडने जात असताना हॉटेल के 9 च्या पुढे राँग साईटने आलेल्या क्रेनने दुचाकीला धडक दिली. या धडकेत गंभीर जखमी झालेल्या राहुलला उपचारासाठी रूग्णालयात दाखल करण्यात आले. दरम्यान उपचारापूर्वीच त्याला डॉक्टरांनी मृत घोषित केले.