अहमदनगर ब्रेकींग: ट्रक- दुचाकीची धडक; एक ठार, एक जखमी

अहमदनगर- उभा असलेला मालवाहू ट्रक व दुचाकीची धडक होऊन अपघात झाला. यात एक ठार तर एक जखमी झाला आहे. राहुरी तालुक्यातील पिंप्री अवघड शिवारात शनिशिंगणापूर रस्त्यावर रात्री ही घटना घडली.

रात्रीच्या सुमारास राहुरी तालुक्यातील काळे आखाडा व रासने वस्ती येथील दोन तरूण दुचाकीवर राहुरीच्या दिशेने जात असताना पिंप्री अवघड येथील एका रसवंती सेंटरच्या जवळ दोन दिवसांपासून नादुरूस्त रस्त्यावर उभ्या मालवाहू ट्रकला पाठीमागून आदळल्याने मोठा अपघात झाला आहे.

यात तुषार शंकर काळे (वय 26) हा घटनास्थळीच मृत झाल्याचे समजते. तर बेल्हेकर नामक तरूण गंभीर जखमी झाला आहे. त्याला उपचारासाठी नगर येथे रूग्णालयात दाखल करण्यात आले आहे.