Ahmednagar Murder : अहमदनगर हादरले ! आई-वडील दारू प्यायला पैसे देत नसल्याने लहान भावाचा खून
मोठा मुलगा बाबाजी दारू पिण्यासाठी वेळोवेळी पैसे मागत असे. पैसे न मिळाल्यास आई-वडिलांशी वाद घालत असे. लहान मुलगा नीलेश हा वाद घालू नको म्हणून मोठ्या भावाला नेहमी समजावून सांगत असे.
Ahmednagar Murder : आई-वडील दारू प्यायला पैसे देत नाहीत. ते लहान भावालाच पैसे देतात. याचा राग येऊन सख्ख्या मोठ्या भावाने झोपलेल्या लहान भावाच्या डोक्यात कुन्हाडीचा घाव घालून खून केला. ही घटना फुंदे टाकळी (ता. पाथर्डी) येथे सोमवारी (दि. ९) सकाळी सहाच्या सुमारास घडली.
नीलेश विष्णू फुंदे (वय २६, रा. फुंदे टाकळी, ता. पाथर्डी) असे मृत तरुणाचे नाव आहे. वडील विष्णू काशीनाथ फुंदे (वय ६५) यांनी मोठा मुलगा बाबाजी विष्णू फुंदे याच्याविरोधात पाथर्डी पोलिस ठाण्यात फिर्याद दाखल केली आहे. यावरून खुनाचा गुन्हा दाखल झाला आहे.
विष्णू काशीनाथ फुंदे व त्यांची पत्नी चंद्रकला फुंदे हे फुंदे टाकळी येथील खिळा वस्तीवर राहतात. त्यांना बाबाजी व नीलेश अशी दोन मुले आहेत. ते शेती व्यवसाय करून उपजीविका करतात.
मोठा मुलगा बाबाजी दारू पिण्यासाठी वेळोवेळी पैसे मागत असे. पैसे न मिळाल्यास आई-वडिलांशी वाद घालत असे. लहान मुलगा नीलेश हा वाद घालू नको म्हणून मोठ्या भावाला नेहमी समजावून सांगत असे.
नेहमीच समजावून सांगतो म्हणून बाबाजीला लहान भाऊ नीलेशचा राग होता. पोलिसांनी आरोपी बाबाजीला ताब्यात घेतले आहे. पोलिस निरीक्षक संतोष मुटकुळे यांच्या मार्गदर्शनाखाली पोलिस उपनिरीक्षक श्रीकांत डांगे पुढील तपास करत आहेत.
नीलेशला एकदाचं संपवूनच टाकतो
सोमवारी सकाळी सहाच्या सुमारास बाबाजीने दारू पिण्यासाठी आई- वडिलांकडे पैसे मागितले. मात्र, त्याला पैसे दिले नाहीत. तुम्ही मला पैसे देत नाहीत. मात्र, लहान भाऊ नीलेशला नेहमीच पैसे देतात.
त्याला एकदाचा संपवूनच टाकतो, असे म्हणत बाबाजीने घरातील कुन्हाड घेऊन झोपलेल्या लहान भावाच्या डोक्यात घाव घातला. कुन्हाडीच्या घावाने गंभीर जखमी झालेला नीलेश जागीच बेशुद्ध झाला होता.
शेजायाच्या मदतीने त्याला पाथर्डी येथील उपजिल्हा रुग्णालयात उपचारासाठी दाखल करण्यात आले. परिस्थिती गंभीर असल्याचे पाहून. डॉक्टरांनी अहमदनगरला हलविण्याचे सांगितले. अहमदनगर येथे स्वासगी रुग्णालयात दाखल केले असता उपचारापूर्वीच नीलेश मृत झाल्याचे डॉक्टरांनी घोषित केले.
