Android 14 Features : मस्तच ! आता तुमच्या Android फोनवर चालणार आयफोनचे फीचर; जाणून घ्या कसे काम करेल…
Google त्याच्या मोबाइल ऑपरेटिंग सिस्टम Android 14 च्या नवीन आवृत्तीवर काम करत आहे ज्यामध्ये अनेक वेगवेगळी फीचर्स जोडली जात आहेत.
Android 14 Features : देशात मोठ्या प्रमाणात लोक आयफोनचे चाहते आहेत. अनेकजण हे महागडे फोन खरेदी करत असतात. या फोनमध्ये अनेक जबरदस्त फीचर्स आहेत. मात्र या फोनच्या किमती पाहता ते खरेदी करणे अनेकांना शक्य नसते.
मात्र आता तुम्हाला काळजी करण्याची गरज नाही. कारण तुम्ही Android स्मार्टफोन वापरत असाल तर तुम्ही iPhone चा अनुभव घेऊ शकता. कारण आता मीडिया रिपोर्ट्सनुसार, Google त्याच्या मोबाइल ऑपरेटिंग सिस्टम Android 14 च्या नवीन आवृत्तीवर काम करत आहे, ज्यामध्ये अनेक प्रगत आणि नवीन फीचर्स जोडली जात आहेत.
ही वैशिष्ट्ये नवीन Android 14 OS मध्ये उपलब्ध असतील
अहवालानुसार, नवीन OS अद्याप बीटा आवृत्तीमध्ये आहे, परंतु त्याच्या आगामी काही वैशिष्ट्यांचे स्पेसिफिकेशन समोर आले आहेत. नवीन ऑपरेटिंग सिस्टमला सॅटेलाइट कनेक्टिव्हिटी सपोर्ट देखील मिळेल ज्यामुळे वापरकर्त्यांना वायफाय किंवा मोबाईल कव्हरेजशिवाय आपत्कालीन संदेश अलर्ट पाठवता येतील.
हे फीचर Apple ने गेल्या वर्षी लॉन्च केलेल्या iPhone 14 मध्ये उपलब्ध करून दिले होते. आयफोन 14 मध्ये देखील हे फीचर सुरुवातीला फक्त यूएस आणि कॅनडामध्ये रिलीझ करण्यात आले होते. नंतर ते जगातील इतर देशांतील वापरकर्त्यांसाठी देखील प्रसिद्ध करण्यात आले आहे.
हे फीचर कसे काम करते?
जर या फीचर चा विचार केला तर या फीचरद्वारे, वापरकर्ते संदेश पाठवू शकतात किंवा आपत्कालीन सेवांना संवाद साधू शकतात. तसेच तुमच्याकडे मोबाइल कनेक्टिव्हिटी किंवा वायफाय नेटवर्क नसताना ते आपत्कालीन परिस्थितीत वापरले जाऊ शकते.
सर्वात महत्त्वाचे म्हणजे, आपत्कालीन परिस्थितीत या फीचरचा वापर करून, तुम्ही तुमचे लाइव्ह लोकेशन मित्र आणि कुटुंबियांसोबत शेअर करू शकता जेणेकरून तुम्हाला वेळेवर मदत मिळू शकेल.
पुढील वर्षी Android 14 OS येऊ शकते
Google ने अलीकडेच जुलैच्या सुरुवातीला Android 14 ची बीटा 4 आवृत्ती जारी केली. ते निवडलेल्या उपकरणांवर इंस्टॉल करून चाचणी केली जाऊ शकते. स्मार्टफोनची कार्यक्षमता सुधारण्यासाठी नवीन OS मध्ये अनेक सुधारणा करण्यात आल्या आहेत.
असे मानले जाते की नवीन OS 2023 च्या शेवटच्या तिमाहीत रिलीज होऊ शकते. लॉन्चच्या वेळी ते निवडक मॉडेल्समध्ये अपग्रेड करण्यायोग्य असेल. व त्यानंतर हळूहळू ते संपूर्ण जगासाठी रोलआउट केले जाईल.
