Car Loan : वेळेअगोदर कार लोनची परतफेड केल्यास मिळतात हे फायदे! जाणून घ्या सोप्या पद्धतीने
जर तुम्ही कार कर्जावर घेत असाल तर त्याचे कर्ज वेळेत फेडणे खूप गरजेचे आहे. नाहीतर तुम्ही खूप तोट्यात येऊ शकता.
Car Loan : भारतीय बाजारात सतत शानदार फीचर्स असणाऱ्या कार लाँच होत असतात. अनेकांना आपलीही स्वप्नातली कार असावी असे वाटत असते. त्यामुळे अनेकाजण पैसे नसतानाही कर्ज घेऊन कार खरेदी करत असतात.याचे काही फायदेही आहेत आणि तोटे आहेत.
जर तुम्हीही कार लोन घेऊन कार खरेदी करत असाल तर तुमच्यासाठी एक महत्त्वाची बातमी आहे. कार लोन घेत असाल तर त्यापूर्वी त्याबद्दल सर्व माहिती तुम्हाला असणे खूप गरजेचे आहे, जर तुम्हाला त्याबाबत माहिती नसेल तर तुम्हाला त्याचा खूप मोठा तोटा सहन करावा लागू शकतो.
समजा तुम्ही नुकतीच कार खरेदी विकत घेतली असेल किंवा नजीकच्या भविष्यात नवीन कार घेण्याचा विचार करत असाल तर काही महत्त्वाच्या गोष्टी जाणून घ्या. आता तुमचे हप्ते लवकर भरून, तुम्ही व्याजावर पैसे वाचवू शकता तसेच तुम्हाला इतर आर्थिक लाभांचा फायदा घेता येईल.
जाणून घ्या कर्जाच्या अटी
सर्वात अगोदर तुमच्या कार कर्जाच्या अटी आणि शर्ती जाणून घ्या सर्वात महत्त्वाचे म्हणजे त्यात लवकर परतफेडीसाठी काही दंड आहे का ते देखील पहा. हे लक्षात घ्या की काही मार्गांनी, कर्जावर प्रीपेमेंट दंड आकारण्यात येतो ज्यामुळे कर्ज लवकर फेडण्याची संभाव्य बचत ऑफसेट होण्याची शक्यता असते. काहीवेळा, प्रीपेमेंट म्हणजे सावकाराला कमी व्याज मिळेल, म्हणून ते प्रीपेमेंट दंड आकारत असतात. जर तुमच्याकडून कर्जाची पूर्वफेड करण्यासाठी दंड घेत असल्यास तर त्याचा तुम्हाला फायदा होईल की नाही हे पहा.
तयार करा बजेट
सध्याच्या आर्थिक परिस्थितीचे मूल्यमापन करून तुमच्या कार कर्जावर तुम्ही किती अतिरिक्त पेमेंट करू शकता ते ठरवून घ्या. अतिरिक्त पैसे मुक्त करण्यासाठी तुम्ही खर्च कमी करू शकता किंवा तुमचे उत्पन्न वाढवू शकता अशा क्षेत्रांचा शोध घ्या. त्याशिवाय, नेहमी विक्रीनंतरच्या गुंतवणुकीचा विचार करून तुमच्या बजेटमध्ये बसणारी कार घ्या.
डाउन पेमेंट
जर तुम्ही 15 लाख रुपयांची कार खरेदी करणार असाल तर तुम्ही घेत असणारी कर्जाची रक्कम कमी करण्यासाठी 3-4 लाख रुपयांऐवजी एकूण 7 लाख रुपये भरण्याचा विचार करा. हे तुम्हाला दीर्घ मुदतीसाठी कर्जाची रक्कम कमी करण्यात मदत करेल तसेच त्यामुळे तुम्ही भरलेले व्याज कमी होऊ शकेल.
कार कर्ज
समजा जर तुमच्याकडे एकापेक्षा जास्त कर्ज असेल तर लवकर परतफेड करण्यासाठी तुमच्या कार कर्जाला प्राधान्य द्या. तसेच इतर कर्जावरील कमीत कमी देयके राखून आपल्या कार कर्जासाठी अधिक पैसे जमा करण्याचा प्रयत्न करा. तसेच एकदा तुम्ही तुमच्या कारच्या कर्जाची परतफेड केली तर, तुम्ही ती रक्कम उर्वरित कर्जासाठी किंवा इतर कोणत्याही आर्थिक हेतूसाठी वापरू शकता. या सोप्या युक्त्यांच्या मदतीने तुम्ही तुमच्या कारचे कर्ज वेळेपूर्वी सहज फेडू शकता.
