लग्नासाठी अल्पवयीन मुलीचा पाठलाग; तरूणाविरूध्द गुन्हा

अल्पवयीन मुलीचा विनयभंंग केल्याप्रकरणी भिंगार कॅम्प पोलीस ठाण्यात दादा अंबादास बडे (रा. भगवानबाबानगर, सारसनगर, अहमदनगर) या तरूणाविरूध्द विनयभंग, पोक्सो कलमान्वये गुन्हा दाखल करण्यात आला आहे.

अहमदनगरमधील एका उपनगरात राहणार्‍या अल्पवयीन मुलीने याबाबत फिर्याद दिली आहे. दादा बडे हा सुमारे दोन महिन्यापासून अल्पवयीन मुलीचा पाठलाग करत मला तुझ्या बरोबर लग्न करायचे आहे, असे म्हणत होता.

12 मार्च, 2022 रोजी दुपारी बडे याने फिर्यादीच्या राहत्या घरासमोर येऊन, ‘मला तुझ्यासोबत लग्न करायचे आहे’, असे म्हणत गैरवर्तन करून विनयभंग केला असल्याचे पीडित अल्पवयीन मुलीने फिर्यादीत म्हटले आहे.

पीडिताने काल पोलिसांत फिर्याद दिली आहे. या गुन्ह्याचा अधिक तपास पोलीस उपनिरीक्षक बेंडकोळी हे करीत आहेत.