Drinking Water : तहान नसतानाही पाणी प्यावे का? तुमच्या आरोग्यासाठी ‘ही’ चूक ठरेल घातक; जाणून घ्या
जास्त पाणी पिणे हे नेहमी चांगले मानले जाते. अशा वेळी उन्हाळ्यात लोकांमध्ये पाणी पिण्याचे प्रमाण वाढत आहे.
Drinking Water : शरीरासाठी पाणी हे अत्यंत महत्वाचे आहे. उन्हाळ्याच्या दिवसात अधिक पाणी पिणे हे तुमच्यासाठी खूप फायदेशीर असते. अशा वेळी तुम्ही रोज किती पाणी पिले पाहिजे याबद्दल जाणून घ्या.
सहसा पाण्यामुळे पेशी आणि शरीराच्या विविध भागांमध्ये पोषक घटक पोहोचण्यास मदत होते. हे शरीराला खनिजे, जीवनसत्त्वे, अमीनो अॅसिड आणि ग्लुकोज शोषण्यास मदत करते. आपल्या शरीरातील विषारी पदार्थ आणि टाकाऊ पदार्थ बाहेर काढण्यासाठी पाणी आवश्यक आहे.
जर तुम्ही कमी पाणी पीत असाल तर तुम्हाला अनेक आजारांना सामोरे जावे लागेल. म्हणूनच प्रत्येकाने भरपूर पाणी प्यावे. बरेच लोक दिवसभरात आवश्यकतेपेक्षा कमी पाणी पितात. आता प्रश्न पडतो की शरीराला हायड्रेट ठेवण्यासाठी तहान नसतानाही पाणी प्यावे का? तर याबद्दल डॉक्टर काय सांगतात हे तुम्ही जाणून घ्या.
डॉ अमरेंद्र पाठक, वरिष्ठ सल्लागार, यूरोलॉजी विभाग, सर गंगाराम हॉस्पिटल, नवी दिल्ली यांच्या मते, उन्हाळ्यात सर्व लोकांनी दररोज 2 ते 3 लिटर पाणी प्यावे. यामुळे शरीर हायड्रेटेड राहील आणि डिहायड्रेशनचा धोका दूर होईल.
जेव्हा आपल्या शरीराला पाण्याची गरज असते तेव्हा तहान लागते. या सिग्नलवर लोक पाणी पितात. तहान लागल्याशिवाय पाणी पिणे फायदेशीर नाही. बळजबरीने पाणी प्यायल्यास त्याचा शरीराला काही फायदा होत नाही आणि असे केल्याने शरीराला हानी पोहोचते. अशा परिस्थितीत जेव्हा तुम्हाला तहान लागते तेव्हाच पाणी प्यावे.
फक्त असे लोक भरपूर पाणी पितात
डॉ अमरेंद्र पाठक सांगतात की डिहायड्रेशन व्यतिरिक्त, कमी पाणी पिल्याने किडनी स्टोन तयार होण्याचा धोका देखील असतो. किडनी स्टोनचा त्रास असणाऱ्यांनी दिवसातून किमान 3 लिटर पाणी पिण्याचा प्रयत्न करावा.
जास्त पाणी पिल्याने किडनी स्टोन लघवीद्वारे बाहेर पडण्यास मदत होते. साधारणपणे 80 टक्के लोकांचे मुतखडे पाणी आणि द्रवपदार्थ घेतल्याने मूत्रमार्गातून बाहेर पडतात. त्यामुळे किडनी स्टोनच्या रुग्णांना जास्त पाणी पिण्याचा सल्ला दिला जातो. मात्र, अशा लोकांनीही जबरदस्तीने जास्त पाणी पिऊ नये. थोडे थोडे पाणी पिणे कधीही चांगले मानले गेले आहे.
उन्हाळ्यात हायड्रेटेड राहण्याचे फायदे
उन्हाळ्यात पुरेशा प्रमाणात पाणी प्यायल्यास शरीरात ताजेपणा येतो आणि शारीरिक कार्यक्षमता सुधारते. पाण्यामुळे मेंदूचे कार्य व्यवस्थित राहते आणि डोकेदुखीची समस्या दूर राहते.
बद्धकोष्ठतेचा त्रास असलेल्या लोकांना योग्य प्रमाणात पाणी घेतल्याने खूप आराम मिळतो. पाणी प्यायल्याने आपली पचनक्रिया सुधारते आणि स्नायूंची कार्यक्षमता वाढते. पुरेशा प्रमाणात पाणी प्यायल्याने शारीरिक तसेच मानसिक आरोग्य सुधारते. त्यामुळे पाण्याचे महत्व समजून घेऊन नेहमी अधिक पाणी पिण्याचा प्रयत्न केला पाहिजे.
