Chanakya Niti : तुमच्यात असेल ‘ही’ सवय तर आयुष्य उद्ध्वस्त होईल, यशही दूर पळेल

Chanakya Niti : महान नीतिमत्ता, रणनीतीकार चाणक्य हे त्यांच्या बुद्धिमत्ता आणि उच्च ज्ञान कौशल्यासाठी ओळखले जातात. चाणक्य यांनी मानवी जीवनाचे कल्याण करणारी नीती सांगितली आहे.

चाणक्य यांनी आपल्या नीती मध्ये अशा एका गोष्टीबद्दल सांगितले आहे की जे आपल्या आयुष्यातील यश, अपयश दोन्हींशी संबंधित आहे.

हे तुमचे मन आहे. चाणक्य यांच्या मते, जो आपल्या मनावर नियंत्रण ठेवू शकत नाही त्याचे जीवन आणि उद्देश नष्ट होते. माणसाच्या मनावर ताबा नसेल तर तो कधीच यशस्वी होऊ शकत नाही आणि त्याने केलेले कामही बिघडू लागते.

चाणक्य म्हणतात–

बन्धाय विषयासक्तं मुक्त्यै निर्विषयं मनः। मन एव मनुष्याणां कारणं बन्धमोक्षयोः ॥

या श्लोकातून चाणक्य यांनी आपल्या सुख-दु:खाचे कारण मन आहे, असे सांगितले आहे. जो मनुष्य आपल्या मनावर नियंत्रण ठेवतो तो आनंदी असतो आणि जो हे करू शकत नाही तो आनंदी राहत नाही.

अनेकदा आपलं मन आपल्याला जे नुकसान होईल ते करायला सांगते आणि तेच आपण करून बसतो. पण जर आपण आपल्या मनावर ताबा ठेवला तर आपण त्याला काम करण्यापासून आणि आपले जीवन उद्ध्वस्त करण्यापासून वाचवू शकतो.

याशिवाय कोणतेही महत्त्वाचे काम करताना किंवा कोणताही महत्त्वाचा निर्णय घेताना आपण आपल्या मनावर नियंत्रण ठेवले पाहिजे, कारण अस्वस्थ मनाने घेतलेले निर्णय भविष्यात पश्चातापास कारणीभूत ठरू शकतात.

चाणक्य यांनी सांगितल्यानुसार तुम्ही खूप आनंदी असाल तरीही आनंदाच्या भरातही कोणताही निर्णय विचार न करता घेऊ नका. नेहमी मनावर ताबा ठेवून निर्णय घ्या.

याच्या मदतीने तुम्ही तुमचं आयुष्य अधिक चांगलं बनवू शकता, जर तुम्ही तुमच्या मनावर नियंत्रण ठेवण्यात यशस्वी झाला नाही तर तुमचं आयुष्य बरबाद होऊ शकतं.