Indian Railway : बेरोजगारांना भारतीय रेल्वे देणार रोजगार ! फक्त 15 दिवसांच्या मोफत ट्रेनिंगनंतर सुरु होईल कमाई…
केवळ 10वी उत्तीर्ण युवक देखील या योजनेचा लाभ घेऊ शकतात आणि 15 ते 18 दिवसांचे प्रशिक्षण घेऊन स्वतःचे स्टार्टअप उघडू शकतात.
Indian Railway : कोरोना काळापासून देशात अनेक तरुणांच्या नोकऱ्या गेल्या आहेत. तसेच इतरही शिक्षित तरुण यांना नोकरीसाठी खूप धरपड करावी लागत आहे. अशा वेळी आता भारतीय रेल्वे तुम्हाला नोकरी देणार आहे.
भारतीय रेल्वेने बेरोजगार तरुणांसाठी एक मोठी मोहीम सुरू केली आहे. भारतीय रेल्वेला अधिकाधिक बेरोजगार तरुणांना रोजगार मिळवून द्यायचा आहे, त्यामुळे या मोहिमेअंतर्गत रेल्वेने युवकांना 15 ते 18 दिवसांचे प्रशिक्षण देण्याचा निर्णय घेतला आहे, त्यानंतर ते युवक स्वतःचे स्टार्टअप सुरू करू शकतील.
10वी उत्तीर्ण असणाऱ्यांनाही लाभ मिळणार
भारतीय रेल्वेची ही योजना तरुणांना खूप आवडली आहे. या योजनेची विशेष बाब म्हणजे या प्रशिक्षणासाठी तरुणांना जास्त शिक्षणाची गरज नाही. केवळ 10वी उत्तीर्ण युवकही या योजनेचा लाभ घेऊ शकतात आणि 15 ते 18 दिवसांचे प्रशिक्षण घेऊ शकतात.
तज्ज्ञांकडून प्रशिक्षण दिले जाते
उत्तर पश्चिम रेल्वेचे सीपीआरओ कॅप्टन शशी किरण यांनी सांगितले की, भारतीय रेल्वेने रेल्वे कौशल्य विकास योजना सुरू केली आहे. या योजनेअंतर्गत बेरोजगार युवकांना मोफत प्रशिक्षण दिले जात आहे.
उत्तर पश्चिम रेल्वेच्या सर्व विभागांमध्ये असे अनेक कारखाने आहेत, जिथे गाड्यांशी संबंधित काम केले जाते. तुम्ही पाहिले असेल की वेल्डिंगचे काम सहसा कारखान्यांमध्ये जास्त प्रमाणात केले जाते. या कामात तरुणांची कार्यक्षमता वाढत आहे. तर, वेल्डिंग याशिवाय अशी 4 ते 5 कामे आहेत, जी या तरुणांना रेल्वेचे तज्ज्ञ शिकवतात.
कर्ज सहज उपलब्ध आहे
युवकांचे प्रशिक्षण पूर्ण झाल्यानंतर त्यांना रेल्वेकडून प्रमाणपत्रही दिले जाते, ज्याच्या मदतीने युवक कोणत्याही बँकेतून सहज पैसे घेऊन आपला स्टार्टअप सुरू करू शकतात. आत्तापर्यंत केवळ उत्तर पश्चिम रेल्वेमध्ये 5000 हून अधिक तरुणांनी मोफत प्रशिक्षण घेतले आहे.
इतर बेरोजगार तरुणांनाही रोजगार देऊ शकतील
याशिवाय येथे प्रशिक्षण घेण्यासोबतच आपला अभ्यासही सुरू ठेवता येईल, हे तरुणांनी लक्षात ठेवावे. त्याचबरोबर या तरुणांना रेल्वेच्या तज्ज्ञांकडून प्रशिक्षण दिले जाते. त्यामुळे त्यांच्या कामात कमालीची कार्यक्षमता दिसून येते. या मोहिमेची एक चांगली गोष्ट म्हणजे येथून प्रशिक्षण घेतल्यानंतर तरुण इतर बेरोजगार तरुणांना रोजगाराची संधी देऊ शकतात.
