Maharashtra havaman Andaj : राज्यात पावसाचा जोर वाढणार का? धो- धो पाऊस कधी बरसणार? जाणून घ्या IMD चा अंदाज…
राज्यात पावसाला सुरुवात झाली असून अजून मात्र बऱ्याच भागात हवा तेवढा पाऊस पडला नाही. मात्र काही भागात खूप पाऊस झाला आहे.
Maharashtra havaman Andaj : राज्यात पावसाला सुरूवात झाली आहे. अनेक भागात पावसाचा जोर वाढला असून अनेक ठिकाणे जलमय झाली आहेत. असे असताना आता हवामान विभागाने काही ठिकाणी अलर्ट दिला आहे.
भारतीय हवामानशास्त्र विभाग (IMD) ने शुक्रवारी आपल्या दैनंदिन हवामानात सांगितले की पुढील चार ते पाच दिवसांत उत्तर भारतात मुसळधार पावसाची शक्यता आहे. IMD ने एका निवेदनात म्हटले आहे की, “पुढील चार ते पाच दिवस उत्तर भारतात मुसळधार पाऊस पडेल. तसेच सक्रिय मान्सूनचा परिणाम इतर राज्यांमध्येही दिसून येईल.
तसेच उत्तरेकडील लोकांना अतिवृष्टीपासून आवश्यक सावधगिरी बाळगण्याचे आवाहन केले. त्याचवेळी महाराष्ट्रातील रायगड जिल्ह्यात अतिवृष्टीचा इशारा देण्यात आला आहे.
गोव्यात आयएमडीने आज मुसळधार पावसाचा अंदाज वर्तवला असून राज्याच्या शिक्षण विभागानेही शाळांना सुट्टी जाहीर केली आहे. मुंबईत, IMD ने मुसळधार पावसाचा अंदाज वर्तवत शहरासाठी ऑरेंज आणि येलो अलर्ट जारी केला आहे.
मुंबईत मुसळधार पावसाचा इशारा, अनेक भागात पाणी तुंबले
शुक्रवारी अधूनमधून पडणाऱ्या पावसामुळे मुंबईतील अनेक भागात पाणी साचले आहे. आयएमडीने शनिवारीही शहराच्या काही भागात मुसळधार पावसाची शक्यता वर्तवली आहे. काल ठाणे, नवी मुंबई या भागातही जोरदार पाऊस झाला आहे.
दरम्यान,आसाम आणि मेघालय या ईशान्येकडील राज्ये तसेच उत्तर प्रदेशच्या लखीमपूर जिल्ह्यात 14 सेमी आणि पूर्व खासी हिल्समधील चेरापुंजी येथे 14 सेमी पावसाची नोंद झाली आहे. राज्यातील सातारा जिल्ह्यातील महाबळेश्वर येथे 11 सेमी आणि पुणे जिल्ह्यातील लोणावळा येथे 7 सेमी पावसाची नोंद झाली आहे.
शुक्रवारी राजस्थानमधील राजसमंदमध्ये 11 सेमी आणि मध्य प्रदेशातील जबलपूर जिल्ह्यात 10 सेमी पावसाची नोंद झाली. हिमाचल प्रदेशातील हमीरपूर आणि सोलन येथे 8 सेमी आणि ओडिशाच्या मलकानगरी जिल्ह्यात आणि सुंदरगड जिल्ह्यात 9 सेमी पावसाची नोंद झाली आहे.
IMD ने उत्तर भारतात मुसळधार पावसाचा अंदाज व्यक्त केला आहे
राष्ट्रीय राजधानी दिल्लीतील रहिवाशांना शनिवारी सकाळी जोरदार पावसाचा अनुभव आला, ज्यामुळे नैऋत्य मान्सून शहरात सक्रिय झाल्याची पुष्टी झाली. येत्या चार ते पाच दिवसांत उत्तर भारतात मुसळधार पावसाची शक्यता असल्याचे हवामान खात्याने म्हटले आहे.
जम्मू, हिमाचल प्रदेश, उत्तराखंड, पंजाब, हरियाणा आणि पश्चिम उत्तर प्रदेशमध्ये 8 ते 9 जुलैदरम्यान अतिवृष्टीचा इशारा हवामान खात्याने दिला आहे. IMD ने म्हटले आहे की, अतिवृष्टीसाठी तयार राहा आणि आवश्यक ती खबरदारी घ्या.
