Maharashtra Havaman Andaj : मुंबई- पुण्यासह राज्यात पावसाची जोरदार बॅटिंग ! हवामान खात्याचा ऑरेंज अलर्ट जारी; पहा पुढील 24 तासांत काय होणार…
मुंबईत मुसळधार पावसामुळे परिस्थिती बिकट झाली आहे. मुंबई, रत्नागिरी आणि सातारा जिल्ह्यात मुसळधार पावसासाठी हवामान खात्याने ऑरेंज अलर्ट जारी केला आहे.
Maharashtra Havaman Andaj : सध्या पाऊसाने महाराष्ट्रात जनजीवन विस्कळीत करून टाकले आहे. अनेक ठिकाणी लोकांचे हाल होत आहेत, तर पाऊसामुळे मृत्यू होण्याची संख्या देखील वाढत आहे.
असे असताना मुंबईत मुसळधार पावसामुळे परिस्थिती बिकट झाली आहे. मुंबई, रत्नागिरी आणि सातारा जिल्ह्यात मुसळधार पावसासाठी हवामान खात्याने ऑरेंज अलर्ट जारी केला आहे.
तर पुणे, रायगड, ठाणे आणि पालघर जिल्ह्यांसाठी रेड अलर्ट जारी करण्यात आला आहे. रायगड, रत्नागिरी आणि पुण्यात विविध भागात मुसळधार पावसाची शक्यता हवामान खात्याने वर्तवली आहे.
मुंबईतील पावसाची स्थिती
गुरुवारी सकाळी 8 वाजेपर्यंत देशाच्या आर्थिक राजधानीत 24 तासांच्या कालावधीत सरासरी 100 मिमी पाऊस झाला, असे एका अधिकाऱ्याने सांगितले. या कालावधीत पूर्व आणि पश्चिम उपनगरात अनुक्रमे 95.39 मिमी, 96.70 मिमी आणि 110.45 मिमी सरासरी पाऊस झाला आहे.
रायगड, महाराष्ट्रातील विध्वंसाचे दृश्य
गेल्या अनेक दिवसांपासून सुरू असलेल्या पावसामुळे महाराष्ट्रातील अनेक जिल्ह्यांमध्ये पूरसदृश परिस्थिती निर्माण झाली आहे. तर राज्यातील रायगड जिल्ह्यातील इरशाळवाडी गावात दगड कोसळल्याने संपूर्ण गाव उद्ध्वस्त झाले आहे.
गावातील 48 घरांना भूस्खलनाचा तडाखा बसला असून 200 हून अधिक लोक बाधित झाले आहेत. दरम्यान, या घटनेत आतापर्यंत एकूण 16 जणांना आपला जीव गमवावा लागला आहे.
दरम्यान, IMD ने या राज्यांमध्ये अतिवृष्टीबाबत रेड अलर्ट जारी केला आहे. आज उत्तराखंड, पूर्व राजस्थान, पश्चिम मध्य प्रदेश, विदर्भ, ओडिशा, तेलंगणा आणि छत्तीसगडमध्ये वेगवेगळ्या ठिकाणी मुसळधार ते अतिवृष्टीची शक्यता आहे.
या सर्व राज्यांमध्ये आज झालेल्या मुसळधार पावसाच्या पार्श्वभूमीवर ऑरेंज अलर्ट जारी करण्यात आला आहे. IMD ने आज जम्मू आणि काश्मीर, लडाख, हिमाचल प्रदेश, हरियाणा, चंदीगड, पूर्व मध्य प्रदेश, अंदमान आणि निकोबार बेटे, नागालँड, मणिपूर, मिझोराम, त्रिपुरा, कर्नाटक, केरळ आणि माहे येथे काही ठिकाणी मुसळधार पावसाची शक्यता वर्तवली आहे.
तर IMD ने आज अंदमान आणि निकोबार बेटे, जम्मू आणि काश्मीर, लडाख, हिमाचल प्रदेश, उत्तराखंड, पंजाब, हरियाणा, चंदीगड, राजस्थान, मध्य प्रदेश, विदर्भ, पश्चिम बंगाल, सिक्कीम, झारखंड, अरुणाचल प्रदेश, आसाम, मेघालय, नागालँडसाठी या ठिकाणी विजांच्या कडकडाटासह आणि जोरदार गडगडाटासह पाऊस पडण्याची अपेक्षा आहे.
