Maharashtra Mansoon Alert : शेतकऱ्यांसाठी आनंदाची बातमी ! अखेर रखडलेला पाऊस ‘या’ तारखेपासून मुसळधार बरसणार; अलर्ट जारी…
महाराष्ट्रात मुसळधार पाऊस बरसणार आहे. भारतीय हवामान खात्याने याबाबत इशारा दिला असून राज्यातील शेतकऱ्यांमध्ये आनंदाचे वातावरण आहे.
Maharashtra Mansoon Alert : गेल्या अनेक दिवसांपासून रखडलेला पाऊस अखेर महाराष्ट्रात दमदार सुरुवात करणार आहे. याबाबत हवामान खात्याने अलर्ट जारी केला असून राज्यातील शेतकऱ्यांसाठी ही आनंदाची बातमी आहे.
हवामान खात्याच्या म्हणण्यानुसार महाराष्ट्रातील रखडलेला मान्सून लवकरच वेग घेईल, व सध्या मान्सून वाऱ्यांच्या पुढील वाटचालीसाठी अनुकूल परिस्थिती निर्माण झाली आहे. चक्रीवादळ पुढे सरकल्याने मान्सूनचा मार्ग मोकळा झाला आहे.
त्यामुळे येत्या तीन दिवसांत मान्सून राज्यात दाखल होणार असल्याचा इशारा हवामान खात्याने दिला आहे. हवामान खात्याच्या मुंबई आणि नागपूर केंद्राने यासंदर्भात माहिती दिली आहे.
भारतीय हवामानशास्त्र विभागाच्य पुणे विभागाचे प्रमुख केएस होसाळीकर यांनीही यासंदर्भात ट्विट केले आहे. त्यात त्यांनी लिहिले आहे की, 23 जूनपासून कोकण, मध्य महाराष्ट्र आणि विदर्भाच्या काही भागात पाऊस पडण्याची शक्यता आहे.
तर 24 ते 25 जूनपर्यंत पावसाचा जोर वाढण्याची शक्यता आहे. दरम्यान, मराठवाड्यात काही ठिकाणी मेघगर्जनेसह पाऊस पडण्याची शक्यता हवामान खात्याने व्यक्त केली आहे.
25 जूननंतर सर्वत्र चांगला पाऊस होणार
दरम्यान, हवामान खात्याच्या अंदाजानुसार 22 ते 23 जूननंतर मराठवाडा आणि विदर्भात पावसाची दाट शक्यता आहे. विशेष म्हणजे 25 जूननंतर सर्वत्र चांगला पाऊस होण्याची शक्यता आहे. प्रत्यक्षात पावसाचे उशिरा आगमन झाल्याने पेरणीत अडचणी निर्माण झाल्या आहेत. मात्र आता जूनच्या शेवटच्या आठवड्यात मान्सून सर्वत्र दाखल होईल.
या ठिकाणी उन्हाळ्यासाठी यलो अलर्ट जारी करण्यात आला आहे
याशिवाय आज नाशिक, अहमदनगर, सातारा, सांगली, बीड, सोलापूर, लातूर, नांदेड, जालना, बुलढाणा जिल्ह्यांत पावसाचा अंदाज हवामान खात्याने वर्तवला आहे, तर गडचिरोली, यवतमाळ, अमरावती, वाशीम, चंद्रपूर येथील लोकांना अजूनही कडक उन्हाचा सामना करावा लागणार आहे. या ठिकाणी हवामान खात्याने यलो अलर्ट जारी केला आहे.
देशातील हवामानाची स्थिती
दरम्यान, हवामान अंदाज वर्तवणाऱ्या स्कायमेटच्या म्हणण्यानुसार, वायव्य बंगालच्या उपसागरात आणि ओडिशाच्या किनारी भागात कमी दाबाचे क्षेत्र तयार होण्याची शक्यता आहे. यामुळे 23 जून रोजी या भागात चक्री वाऱ्यांचे क्षेत्र तयार होऊ शकते.
त्याच वेळी, 24 जून रोजी कमी दाबाच्या क्षेत्रासाठी परिस्थिती अनुकूल राहू शकते. हे कमी दाबाचे क्षेत्र लवकरच देशाचा मध्य भाग, ओडिशा, छत्तीसगड आणि मध्य प्रदेश व्यापू शकते.
त्याच वेळी, महिन्याच्या शेवटी ही हवामान प्रणाली राजस्थान आणि गुजरातमध्ये पोहोचेल. यामुळे संथ गतीने जाणारा मॉन्सून वेग घेईल आणि अंतिम मुदत पूर्ण करून मध्य आणि पश्चिम भाग व्यापण्याची शक्यता आहे.
