विवाहितेची आत्महत्या; पतीसह तिघे गजाआड, चार दिवस कोठडी

पैशासाठी विवाहितेचा छळ करून आत्महत्येस प्रवृत्त केल्याप्रकरणी पती, दीर आणि सासूला अटक करण्यात आली आहेे.

रेखा अनिल गुंजाळ (वय 24 रा. सोनेवाडी ता. नगर) असे मयत विवाहितेचे नाव आहे. पती अनिल रामकिसन गुंजाळ (वय 31), दीर अमोल रामकिसन गुंजाळ (वय 27), सासू मंगल रामकिसन गुंजाळ (वय 45, सर्व रा. सोनेवाडी ता. नगर) अशी अटक केलेल्या आरोपींची नावे आहेत.

त्यांना गुरूवारी न्यायालयासमोर हजर केले असता न्यायालयाने 4 एप्रिल, 2022 पर्यंत पोलीस कोठडी दिली आहे. सासरच्या छळाला कंटाळून रेखा गुंजाळ हिने विहिरीत उडी घेवुन आत्महत्या केली होती.

सोनेवाडी शिवार, मेहेकरी फाट्याजवळ ही घटना घडली होती. सासरच्यांनी रेखाचा घरगुती खर्चासह, शेती खर्चासाठी माहेरून पैसे आणावे यासाठी छळ केला.

तिला शारीरिक व मानसिक त्रास देवुन आत्महत्येस प्रवृत्त केले असल्याचे फिर्यादी नगर तालुका पोलिसांत दाखल आहे.

या गुन्ह्याचा तपास पोलीस उपनिरीक्षक चव्हाण करीत आहेत. त्यांनी तीन आरोपींना अटक केली आहे.