Raksha Bandhan 2023 : रक्षाबंधन साजरा करण्यासाठी तुम्हाला भाऊ नाही का? ‘या’ 3 गोष्टींना राखी बांधा, मिळेल रक्षणाचा आशीर्वाद…

Raksha Bandhan 2023 : आज देशभरात रक्षाबंधन हा सण साजरा होणार आहे. रक्षाबंधनाचा सण खूप महत्त्वाचा मानला जातो. हा सण दरवर्षी श्रावण महिन्यातील शुक्ल पक्षातील पौर्णिमेला साजरा केला जातो.

मात्र यावर्षी हा सण 30 आणि 31 ऑगस्ट असे दोन दिवस साजरा केला जात आहे. कारण रक्षाबंधनाच्या दिवशी भाद्रा येत असल्याने, राखी बांधण्याचा शुभ मुहूर्त 30 ऑगस्ट रोजी रात्री 9:02 ते दुसऱ्या दिवशी सकाळी 7:05 पर्यंत असेल.

अशा वेळी जर तुम्हाला भाऊ नसेल किंवा तुमचा भाऊ या सणाला घरी येऊ शकला नाही, तर तुम्हाला नाराज होण्याची गरज नाही. कारण याबाबत भोपाळचे रहिवासी ज्योतिषी आणि वास्तु सल्लागार पंडित हितेंद्र कुमार शर्मा सांगत आहेत की ज्या बहिणींना भाऊ नाही अशा बहिणी कोणाला राखी बांधू शकतात.

राखी 6 रोपांना बांधता येते

धार्मिक मान्यतेनुसार, जर तुम्हाला भाऊ नसेल तर तुम्ही कडुनिंब, वड, आवळा, केळी, शमी आणि तुळशीला राखी बांधू शकता. त्रिदेव म्हणजेच ब्रह्मा विष्णू आणि महेश हे आवळा, कडुनिंब आणि वडामध्ये राहतात असे मानले जाते.

या झाडांना राखी बांधल्यास तिन्ही देवता खूप प्रसन्न होतात. दुसरीकडे, तुळशीला राखी बांधल्यास देवी लक्ष्मी प्रसन्न होते आणि तुम्हाला कधीही आर्थिक संकटाचा सामना करावा लागत नाही.

शमीच्या रोपाला राखी बांधल्यास महादेव प्रसन्न होऊन तुमचे रक्षण करण्यासाठी वरदान देतात. केळीच्या झाडामध्ये भगवान विष्णू वास करतात असे मानले जाते. केळीच्या झाडाला राखी बांधल्यास भगवान विष्णूचा आशीर्वाद सदैव तुमच्या पाठीशी राहील.

बजरंगबलीला राखी बांधता येते

रक्षाबंधनाच्या दिवशी बजरंगबलीला राखी बांधल्याने तुमच्या कुंडलीतील मंगल दोषाचा नकारात्मक प्रभाव हळूहळू कमी होतो. हनुमानजींना राखी बांधल्याने बुद्धी प्राप्त होते आणि रागावर नियंत्रण मिळते.

कलशाला राखी बांधा

पूजेच्या कलशाला राखी बांधणे खूप शुभ आहे असे धार्मिक पुराणात सांगितले आहे. कलशाच्या मुखावर भगवान विष्णू, कलशाच्या कंठाच्या भागात भगवान शिव आणि कलशाच्या मूळ भागात ब्रह्मदेव वास करतात. याशिवाय मातृशक्ती कलशाच्या मध्यभागी बसलेली असते. म्हणूनच जर तुम्ही पूजेच्या कलशाला राखी बांधली तर तुम्हाला सर्व देवी-देवतांचे आशीर्वाद मिळतात.