धक्कादायक! नराधम बापाचा पोटच्या मुलीवर अत्याचार

अहमदनगर- बापाने पोटच्या 14 वर्षीय अल्पवयीन मुलीवर अत्याचार केल्याची धक्कादायक घटना घडली. याप्रकरणी नराधम बापाविरूध्द एमआयडीसी पोलीस ठाण्यात गुन्हा दाखल करण्यात आला आहे.

नराधम बापाने तिच्यावर 15 एप्रिल 2022 रोजी दुपारी पुणे येथे अत्याचार केला. त्यानंतर 12 जून 2022 रोजी सायंकाळी कोल्हार घाट बहीरवाडी शिवार (ता. नगर) येथील जंगलात तिच्यावर अत्याचार केला.

ही घटना आई व बहिणीला सांगितल्यास त्यांना ठार मारण्याची धमकी दिली. पीडितेच्या आईने मानसिक आधार दिल्यावर तिने गुरूवार, 15 डिसेंबर रोजी रात्री एमआयडीसी पोलीस ठाण्यात फिर्याद दिली आहे.