Suzuki VS Mahindra : सुझुकी इनव्हिक्टो का महिंद्रा बोलेरो निओ? तुमच्या परिवारासाठी सर्वोत्तम कार कोणती ते जाणून घ्या
दोन्ही कार अतिशय शक्तिशाली इंजिनसह येतात. तुमच्या कुटुंबासाठी या कार अतिशय उत्तम आहेत.
Suzuki VS Mahindra : भारतीय बाजारात अनेक नवनवीन कार लॉन्च होतात. प्रत्येक व्यक्ती हा त्याच्या परिवारानुसार कार खरेदी करत असतो. तसेच सर्वजण परवडणाऱ्या कार खरेदी करण्याकडे अधिक भर देतात.
अशा वेळी जर तुम्हीही नवीन कार खरेदी करणार असाल आणि मारुती सुझुकी इनव्हिक्टो व महिंद्रा बोलेरो निओ या दोन्हीतील कोणती खरेदी करायची याबाबत गोंधळलेले असाल तर तुमच्यासाठी आम्ही दोन्ही कारच्या डिटेल्स दिल्या आहेत. जाणून घ्या.
मारुती सुझुकी इनव्हिक्टो
या प्रीमियम एमपीव्ही कारमध्ये 2.0-लिटर चार-सिलेंडर हायब्रिड पेट्रोल इंजिन आहे. कंपनी आपले दोन ट्रिम Zeta + आणि Alpha + ऑफर करत आहे. Zeta+ मध्ये सात आणि आठ सीटचे दोन्ही पर्याय दिले जातील.
कार 183 bhp चा पॉवर देते. यात ई-सीव्हीटी ट्रान्समिशन देण्यात आले आहे. मारुती सुझुकी इन्व्हिक्टोला कनेक्टेड कार तंत्रज्ञान, Apple कारप्ले आणि अँड्रॉइड ऑटोसह डिजिटल ड्रायव्हर डिस्प्ले, हवेशीर फ्रंट सीट्स, एलईडी हेडलॅम्प आणि टेल लॅम्प मिळतात.
शक्तिशाली कारमध्ये 10.1-इंच टचस्क्रीन इन्फोटेनमेंट सिस्टम
Maruti Suzuki Invicto 24.79 लाख एक्स-शोरूमच्या सुरुवातीच्या किमतीत उपलब्ध असेल. त्याच वेळी, त्याच्या टॉप मॉडेलची किंमत 28.42 लाख रुपये एक्स-शोरूम ठेवण्यात आली आहे. शक्तिशाली कारमध्ये 10.1-इंचाची टचस्क्रीन इन्फोटेनमेंट सिस्टम, एक मोठा पॅनोरामिक सनरूफ आणि सहा एअरबॅग्ज आहेत.
कारचे थ्रस्टिंग इंजिन इलेक्ट्रिक मोटरसह जोडलेले आहे. कारमध्ये ABS, ADAS सारखी मजबूत सुरक्षा वैशिष्ट्ये मिळतील. कारमध्ये हायब्रिड आणि नॉन-हायब्रिड इंजिन पर्याय आहेत. कारच्या नॉन-हायब्रिड इंजिनला 171 bhp पॉवर आणि 205 Nm पीक टॉर्क मिळेल.
महिंद्रा बोलेरो निओ
बोलेरो निओला 5 स्पीड मॅन्युअल ट्रान्समिशन मिळते. SUV ला 7-इंचाची मोठी टचस्क्रीन इन्फोटेनमेंट सिस्टम मिळते. क्रूझ कंट्रोल, कारमध्ये कीलेस एंट्री यासारख्या वैशिष्ट्यांमुळे लक्झरी कारचा अनुभव येतो.
सध्या या पॉवरफुल कारचे चार व्हेरियंट N4, N8 N10 आणि N10 (O) बाजारात उपलब्ध आहेत. ही कार १७.२९ kmpl चा मायलेज देते. कारमध्ये 1493 cc चे इंजिन आहे. यात रियर व्हील ड्राइव्ह आहे.
ही 7 सीटर SUV कार आहे
ही 7 सीटर SUV कार आहे. यामध्ये रायडरला 1.5 लीटर डिझेल इंजिन मिळते. हे मोठे इंजिन 100 PS पॉवर आणि 260 Nm टॉर्क बनवते, जे गुळगुळीत शहरातील रस्त्यांवर तसेच ग्रामीण भागातील खडबडीत रस्त्यावर धावण्याची शक्ती देते. सुरक्षिततेसाठी, कारमध्ये ड्युअल फ्रंट एअरबॅग्ज, EBD सह ABS, रिव्हर्स असिस्टसह मागील पार्किंग सेन्सर्स आणि ISOFIX चाइल्ड माउंट्स आहेत.
