कंपनी फोडली; 50 हजाराची रोकड चोरली

नागापूर एमआयडीसीतील कंपनी फोडून चोरट्यांनी 50 हजार रूपयांची रक्कम चोरून नेली. 26 मार्च, 2022 रोजी सायंकाळी आठ ते 28 मार्च, 2022 रोजी सकाळी 10 वाजेच्या दरम्यान ही घटना घडली.

या प्रकरणी एमआयडीसी पोलीस ठाण्यात अज्ञात चोरट्याविरूध्द घरफोडीचा गुन्हा दाखल करण्यात आला आहे.

प्रतीक उमेदराय मेहता (वय 45 रा. भुईकोट किल्ल्याजवळ, अहमदनगर) यांनी फिर्याद दिली आहे. फिर्यादी यांची एमआयडीसीत कोल्डस्टोरेज अ‍ॅण्ड अ‍ॅग्रो प्रॉडक्टस कंपनी आहे.

चोरट्यांनी या कंपनीच्या पाठीमागील बाजूच्या दरवाज्याची आतून लावलेली कडी तोडून आत प्रवेश केला.

कार्यालयातील डेबलच्या ड्रॉवरचे लॉक तोडून त्यातील 50 हजार रूपये चोरून नेले असल्याचे फिर्यादीत म्हटले आहे. अधिक तपास पोलीस नाईक मिसाळ करीत आहेत.