ऊसणे दिलेले पैसे दिले नाही म्हणून तिघांना मारहाण

ऊसणे दिलेले पैसे परत न दिल्याने एका कुटूंबातील तिघांना मारहाण करण्यात आली. कल्याण रोडवरील शिवाजीनगर परिसरात ही घटना घडली.

मारहाण करणार्‍या भिम वाकळे (रा. नालेगाव, अहमदनगर) याच्याविरूध्द कोतवाली पोलिसांत गुन्हा दाखल करण्यात आला आहे.

शकील शब्बीर मोमीन (वय 28 रा. शिवाजीनगर, कल्याण रोड, अहमदनगर) यांनी फिर्याद दिली आहे. भिम वाकळे व शकील शब्बीर मोमीन हे एकमेकांच्या ओळखीचे आहेत.

वाकळे याने मोमीन याला हात ऊसणे पैसे दिले होते. वाकळे याने ते पैसे परत मागितले असता मोमीन याने पैसे नसल्याचे सांगितले.

याचा राग आल्याने वाकळे याने मोमीनला शिवीगाळ, दमदाटी करून लाथाबुक्क्यांनी मारहाण केली. तसेच मोमीन यांची पत्नी व आई यांना देखील लाथाबुक्क्यांनी मारहाण करून शिवीगाळ, दमदाटी केली असल्याचे फिर्यादीत म्हटले आहेत. पुढील तपास पोलीस उपनिरीक्षक एम. जे. महाजन करीत आहेत.