अहमदनगर

अर्बन बँक बनावट सोने तारण प्रकरणातील मोठी अपडेट… आरोपी दहिवाळकर

 नगर अर्बन बँकेच्या शेवगाव शाखेतील बनावट सोने तारणप्रकरण जिल्ह्यात चांगलेच गाजले आहे. यामुळे बँकेची देखील मोठी नाचक्की झाली. तसेच यामुळे गुंतवणूकदार देखील चांगलेच धसतवाले. यातच याप्रकरणातील एक मोठी अपडेट आता समोर आली आहे.

या गुन्ह्यातील मुख्य आरोपी गोल्ड व्हॅल्युअर विशाल गणेश दहिवाळकर (रा. शेवगाव) याच्याविरूध्द आर्थिक गुन्हे शाखेच्या पोलिसांनी शेवगाव न्यायालयात सुमारे 250 पानी दोषारोपपत्र दाखल केले आहे. कर्जदारांकडून बनावट सोने घेऊन ते खरे असल्याचे भासवत त्यांना मुल्यांकन दाखले देऊन बँकेची फसवणूक केल्याचा दोष आरोपी दहिवाळकर याच्यावर ठेवण्यात आला आहे.

नेमके प्रकरण आहे तरी काय ? जाणून घ्या
शेवगाव शाखेतील बनावट सोने तारणप्रकरणी गोल्ड व्हॅल्युअर दहिवाळकरसह 159 कर्जदारांवर गुन्हा दाखल करण्यात आला आहे. याबाबत शेवगाव शाखेचे व्यवस्थापक अनिल वासुमल आहुजा यांनी शेवगाव पोलीस ठाण्यात फिर्याद दिली आहे. सन 2017 ते 2021 या कालावधीत गोल्ड व्हॅल्युअर दहिवाळकर व कर्जदारांनी संगनमत करून बनावट दागिने खरे असल्याचे भासवून मुल्यांकन दाखले देऊन बँकेकडून कर्ज घेतले.

कर्जदारांना वेळोवेळी नोटिसा देऊनही त्यांनी तारण ठेवलेले सोने सोडून घेतले नाही. त्यामुळे काही दिवसांपूर्वी नगर येथे बँकेच्या मुख्य शाखेत या सोन्याचा लिलाव ठेवण्यात आला होता. मात्र त्यातील सोने बनावट असल्याचे समोर आले होते. त्यामुळे बँकेचे गोल्ड व्हॅल्युअर दहिवाळकर याच्यासह 159 कर्जदारांवर बँकेची आर्थिक फसवणूक केल्याचा गुन्हा दाखल झाला आहे.

Related Articles

Leave a Reply

Back to top button