तुम्ही आमच्या नादी कशाला लागता, नाहीतर तुम्हाला… राहुरीमधील धक्कादायक प्रकार

Ahmednagar News  : तुम्ही आमच्या नादी कशाला लागता, नाहीतर तुम्हाला मारावेच लागेल, असे म्हणून अकरा जणांनी मिळून एका महिलेला शिवीगाळ करीत लाथाबुक्क्यांनी मारहाण केल्याची घटना राहुरी तालुक्‍यातील पाथरे खुर्द येथे नुकतीच घडली.

याबाबत सुरेखा पाडुरंग पठारे (वय ४५, रा. पाथरे खु. ता. राहुरी) यांनी राहुरी पोलीस ठाण्यात दिलेल्या फिर्यादीवरुन तब्बल अकरा जणांवर मारहाण व जीवे मारण्याची धमकी दिल्याचा गुन्हा दाखल करण्यात आला आहे. पोलिसांनी दिलेल्या माहितीनुसार, महेश पठारे व त्याच्यासोबत असणारे विलास आनंदा पठारे, वैभव विलास पठारे, अर्चना विलास पठारे,

अमोल रावसाहेब पठारे, सुनिता रावसाहेब पठारे, सुनिल पठारे, सुवर्णा सुनिल पठारे, किरण पठारे, बाळासाहेब अगुस्तिन पठारे, नंदा पठारे (सर्व रा. पाथरे खु. ता. राहुरी) अशी आरोपींचे नावे आहे.

या घटनेचा पुढील तपास पोलीस निरीक्षक मेघशाम डांगे यांच्या मार्गदर्शनाखाली सुरू आहे. याप्रकरणी दिलेल्या फिर्यादीत म्हटले आहे कि, (दि.४) मे रोजी सकाळी १० वाजेच्या सुमारास सुरेखा पाडुरंग पठारे ह्या रस्त्याने जात असतांना महेश रावसाहेब पठारे हा त्यांना म्हणाला की, तुम्ही आमच्या नादी कशाला लागता, नाहीतर तुम्हाला मारावेच लागेल. तेव्हा सुरेखा पठारे त्याला म्हणाल्या कि, तुम्ही आम्हाला कशाला विनाकारण त्रास देता.

तेव्हा महेश पठारे हा मला शिवीगाळ करु लागला. तेव्हा तेथे इतर आरोपी आले व म्हणाले को, तुम्ही कायम आमचे नादी लागता, असे म्हणून त्यांनी सुरेखा पठारे यांना शिवीगाळ करत लाथाबुक्‍्क्याने मारहाण केली. तसेच जिवे मारण्याची धमकी दिली.

या घटनेत सुरेखा पठारे यांचे कपडे फाटले तसेच गळ्यातील पोत व कानातील फुले तुटुन गहाळ झाले आहे. घटनेनंतर सुरेखा पाडुरंग पठारे यांनी राहुरी पोलीस ठाण्यात हजर राहून फिर्याद दिली