Yellow City : जैसलमेर ‘यलो सिटी’ कशी झाली? या शहरात काय आहे खास? पर्यटकांना भुरळ पडणाऱ्या ‘या’ शहराबद्दल जाणून घ्या

Yellow City : देशात अशी अनेक शहरे आहेत जी तेथील विविधतेमुळे व खास गोष्टींमुळे ओळखली जातात. असेच एक शहर राजस्थानमध्ये आहे. याला जैसलमेर म्हणजेच ‘यलो सिटी’ म्ह्णून ओळखले जाते.

या शहराबद्दल सांगायचे झाले तर येथे एकापेक्षा जास्त पर्यटन स्थळे आहेत, जी लोकांना त्याकडे आकर्षित करतात. भारतातील प्रत्येक राज्य आणि प्रत्येक शहराचे एक वेगळे वैशिष्ट्य आहे जे लोकांना त्याकडे आकर्षित करते. इथली कला आणि संस्कृती परदेशातही खूप लोकप्रिय आहे. भारतातील या सुंदर राज्यांमध्ये राजस्थानचा समावेश आहे, जे आपल्या संस्कृती आणि कलेने लोकांचे लक्ष वेधून घेते.

या राज्याची भव्यता, भक्कम किल्ला आणि निसर्गाचे रंग पर्यटकांना भुरळ घालण्यास पुरेसे आहेत. ऐतिहासिक वारसा ते धार्मिक स्थळेही इथे पाहायला मिळतील. याशिवाय तुम्ही येथे स्वादिष्ट पदार्थांचा आस्वाद घेऊ शकता. दरवर्षी येथे पर्यटकांची मोठी गर्दी असते.

राजस्थान आपल्या समृद्ध संस्कृतीसाठी जगभर प्रसिद्ध आहे. जैसलमेर- या राज्यात एक शहर आहे, ज्याला यलो सिटी असेही म्हणतात. हे पर्यटकांमध्ये खूप प्रसिद्ध आहे. जैसलमेर हे राजस्थानातील राजवाडे आणि वालुकामय वाळवंटांचे आकर्षण बिंदू आहे.

हे जगप्रसिद्ध पर्यटन स्थळ थारच्या वाळवंटाच्या मध्यभागी वसलेले आहे. हे सुवर्णनगरी राजस्थानी लोककथा आणि नृत्यासाठीही खूप लोकप्रिय आहे. देश-विदेशातील पर्यटक येथील कला आणि संस्कृतीचा आनंद घेतात.

गोल्डन फोर्ट जैसलमेर

या शहरात असा एक किल्ला आहे, ज्याला मोठ्या संख्येने पर्यटक भेट देतात. जैसलमेरमध्ये असलेला हा किल्ला ‘सोनार किल्ला’ म्हणून ओळखला जातो. राजपूत शासक राव जैसल याने बांधलेला हा किल्ला जगातील सर्वात मोठ्या किल्ल्यांपैकी एक आहे.

थारच्या वाळवंटातील त्रिकुटा टेकडीवर वसलेला हा किल्ला अनेक लढायांचा साक्षीदार आहे. थारच्या सोनेरी वाळूमध्ये वसलेला आणि पिवळ्या वाळूच्या दगडाने बांधलेला हा अनोखा किल्ला लोकांना स्वतःकडे आकर्षित करतो. या किल्ल्याच्या भिंतीमध्ये 30 फूट उंचीचे तीन थर आहेत. हा किल्ला एकेकाळी राजघराण्यांचे निवासस्थान होता, परंतु आता शेकडो स्थानिक कुटुंबे राहतात.

या किल्ल्यावर सकाळी सूर्यकिरण पडताच तो सोन्यासारखा चमकतो, म्हणून याला सोनार किल्ला किंवा सुवर्ण किल्ला म्हणतात. वाळवंटाच्या मध्यभागी असल्याने याला वाळवंटाचा किल्ला असेही म्हणतात.

हा जगातील सर्वात मोठ्या किल्ल्यांपैकी एक आहे. त्याभोवती 99 बुरुज बांधले आहेत. आपल्या भव्य वास्तुकला, कलाकुसर आणि कोरीव कामामुळे हा किल्ला देशातील सर्व किल्ल्यांमध्ये आपले महत्त्वाचे स्थान आहे.

याशिवाय जैसलमेरमध्ये इतरही अनेक लोकप्रिय पर्यटनस्थळे आहेत. येथे तुम्ही पटवा हवेली, बडा बाग, लक्ष्मीनाथ मंदिर, जैन मंदिर, थार वाळवंट इत्यादी ठिकाणांना भेट देऊ शकता.

यलो सिटी का म्हणतात?

जैसलमेर म्हणजे जैसलचा डोंगरी किल्ला. रावल जैसलने 1156 मध्ये जैसलमेर शहराची स्थापना केली. जैसलमेरला यलो सिटी म्हटले जाते कारण येथील किल्ल्यामध्ये वापरण्यात आलेला पिवळा वाळूचा दगड त्याला सोनेरी-पिवळा रंग देतो. या किल्ल्यामुळे हे शहर यलो सिटी या नावानेही जगभर प्रसिद्ध आहे.